Kandidati i LDK-së për deputet, Besim Mulaj mbrëmë ka qëndruar në Vrellë të Istogut.

Mulaj ka thënë se Vrella ia dha besën LDK-së duke dëshmuar edhe një herë përkushtimin e saj të palëkundur ndaj vlerave të rugovizmit.

“Vrella e meriton vëmendjen e qeverisë së ardhshme, ashtu siç e ka pasur në kohën e Presidentit Historik, Dr. Ibrahim Rugova. Zhvillimi, investimet dhe përkrahja institucionale duhet të rikthehen me vizion të qartë për të ardhmen e këtij vendi”, ka shkruar Mulaj në Facebook.

Postimi i plotë:

VRELLA, Kurorë e LDK-së!

Si gjithmonë, Vrella ia dha besën Lidhjes Demokratike të Kosovës, duke dëshmuar edhe një herë përkushtimin e saj të palëkundur ndaj vlerave të rugovizmit dhe rrugës së zhvillimit demokratik. Në këtë frymë, ishte nder dhe kënaqësi të merrja pjesë në tubimin zgjedhor të LDK-së në Vrellë, ku bashkë me qytetarët e këtij vendi të ndershëm e punëtor mirëpritëm kryeministrin e ardhshëm, z. Lumir Abdixhiku.

Vrella e meriton vëmendjen e qeverisë së ardhshme, ashtu siç e ka pasur në kohën e Presidentit Historik, Dr. Ibrahim Rugova. Zhvillimi, investimet dhe përkrahja institucionale duhet të rikthehen me vizion të qartë për të ardhmen e këtij vendi. Me besim të palëkundur tek ndryshimi dhe progresi,

Vrella vazhdon të jetë bastion i LDK-së dhe simbol i vlerave që na bashkojnë!

Ju faleminderit nga zemra!

#Vrella #LDK #LDK124 #NR79 #Lumir2025 #BëhuNdryshimi