Kandidati i Lidhjes Demokratike të Kosovës për kryetar të Fushë Kosovës, Besnik Osmani ka njoftuar se së shpejti do të fillojë zbatimi në terren i fazës së parë të sistemit të kanalizimit fekal dhe atmosferik në qytet — një projekt me vlerë prej 8 milionë euro.
“Ky është një ndër investimet më të mëdha infrastrukturore në komunë, që pritet të përmirësojë ndjeshëm cilësinë e jetesës, mjedisin dhe standardin urban të qytetit”, ka shkruar Osmani.
Osmani theksoi se projekti do të realizohet me përkushtim dhe transparencë, duke shënuar një hap të rëndësishëm drejt një Fushë Kosove më të pastër dhe më të zhvilluar.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
