Kandidati për deputet nga radhët e Aleancës për Ardhmërinë e Kosovës, Besnik Tahiri, ka komentuar takimin e mbajtur në Vushtrri, duke e përshkruar si vend të pasur me histori.

“Vushtrria, qyteti që përveç historisë dhe traditës, ka çiltërsinë, mikpritjen dhe guximin. Kjo është ajo që gjithmonë e kam parë dhe përjetuar që nga fëmijëria. Vendi ku kam kaluar shumë kohë me familjarët e mi këtu“, shkroi ai në Facebook.

Tahiri tha se ky qytet, ku ai ka kaluar shumë momente me familjarët e tij, është vendi i kalasë së Justinianit dhe xhamisë së Gazi Ali Begut, si dhe i dëshmorëve të UÇK-së dhe heronjve të sovranitetit, Enver Zymberit dhe Afrim Bunjakut.

Ai beson se Vushtrria do të bëjë një hap të madh përpara më 9 shkurt, duke votuar për ndryshim dhe zhvillim, duke mbështetur numrin 137.

“Më 9 shkurt, Vushtrria do t’i thotë PO ndryshimit dhe zhvillimit me numërin 137”.