Presidenti i SHBA Joe Biden është shprehur se ai mund të ishte rizgjedhur President në nëntor nëse do të kishte mbetur në garën për Shtëpinë e Bardhë përballë Donald Trump, por duke pranuar megjithatë se nuk e di nëse do të ishte në gjendje të përfundonte mandatin e tij të dytë.
“Unë mendoj kështu”, tha lideri 82-vjeçar demokrat kur u pyet nëse ai do të kishte pasur ndonjë shans për të fituar zgjedhjet presidenciale të nëntorit kundër Trump, duke shtuar se mendimi i tij është i bazuar në sondazhe, por nuk dha detaje të mëtejshme.
“Kur Trump kandidoi, me të vërtetë mendova se ishte shansi im më i mirë për ta mundur atë. Por nuk doja më të isha president në moshën 85 apo 86 vjeçare. Prandaj, unë përmenda mundësinë e dorëzimit të stafetës”, theksoi ai në një intervistë për USA Today, raporton A2CNN.
Harris ishte një zëvendësuese e minutës së fundit për Joe Biden pasi ai njoftoi në korrik se po tërhiqej nga gara për Shtëpinë e Bardhë pas një debati katastrofik në fund të qershorit kundër Donald Trump që kishte ngritur pikëpyetje rreth mprehtësisë mendore dhe moshës së tij.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
