Shtetet e Bashkuara të Amerikës nuk kanë prova të mjaftueshme për rolin e Fethullah Gulen në puçin ushtarak që dështoi të rrëzonte me dhunë presidentin Erdogan në mes të këtij korriku.

Pas takimit që të mërkurën nënpresidenti amerikan Joe Biden ka pasur kryeministrin turk, ka thënë se SHBA-ja nuk mund të veprojë bazuar në të dhënat që tashmë Ankaraja zyrtare ka e që e vendosin Gulen në krye të puçit të dështuar.

“Ne nuk kemi asnjë interes që të mbrojmë një person që po identifikohet si djall, ne përgjigjemi vetëm mbi kërkesat ligjore që na vijnë”, ka thënë Biden, teksa ka shtuar se Gulen mund të vendoset para drejtësisë vetëm kur të ketë prova.

“Dhe këto dëshmi nuk i ka Washington”, ka thënë ai.

Një burim i Reuters në shtëpinë e bardhë ka thënë se deri më tash Ankaraja ka dorëzuar 4 kërkesa për ekstradim të Gulen në Turqi, por “asnjë për aktivitetin e tij që lidhet para puçit ushtarak të korrikut”./Insajderi.com