Presidenti i SHBA-së, Joe Biden, ka hedhur poshtë raportimet se Izraeli mund të nisë sonte një sulm në drejtim të Iranit, raporton “BBC”.

I pyetur nga gazetarët në Shtëpinë e Bardhë nëse SHBA-ja do ta lejojë Izraelin të reagojë ndaj sulmeve të Iranit të martën, Biden tha: “Së pari, ne nuk ‘lejojmë’ Izraelin, ne e këshillojmë Izraelin. Dhe asgjë s’do të ndodhë sot”.

Pas sulmit me rreth 200 raketa balistike nga Irani, kryeministri i Izraelit, Benjamin Netanyahu e paralajmëroi Iranin, duke thënë se ka bërë “gabim të madh dhe do të paguajë”.