Siguria e krerëve të shteteve nuk është kurrë e garantuar, diçka që u konfirmua edhe vitin e kaluar, kur Donald Trump ishte objektivi i një atentati nga 20-vjeçari Thomas Matthew Crooks.

Fatmirësisht, Presidenti i SHBA-së shpëtoi me një plagë të lehtë në vesh, por incidenti rikujtoi pse siguria e Presidentit mbetet përparësi absolute.

Limuzina që nuk është thjesht makinë, por një “kala” në rrota

Ashtu siç Papa ka “Popemobile-in” e tij, edhe Presidenti i Shteteve të Bashkuara ka automjetin e vet superteknologjik, limuzinën e famshme presidenciale “The Beast” (Bisha).

E ndërtuar me një kosto që arrin deri në 1.5 milionë dollarë, “The Beast” është e pajisur me teknologji që do ta kishte zili edhe James Bond.

Karakteristikat kryesore të limuzinës:

Pesha: Rreth 9 tonë – arsyeja pse i është vënë nofka “Bisha”.

Xhama antiplumb: Trashësi prej 3 inçësh (rreth 7.5 cm).

Furnizim i brendshëm me oksigjen, i ruajtur në bagazh, për raste të sulmeve kimike.

Frigorifer me njësi gjaku të së njëjtës grup gjaku me Presidentin.

Sistem shikimi nate, për navigim dhe mbikëqyrje në kushte ekstreme.

Aktivizim automatik alarmi dhe funksion “lockdown” në rast rreziku.

Si vepron në rast sulmi kimik?

Një video simuluese e publikuar në YouTube, tregon se në rast sulmi kimik, automjeti aktivizon menjëherë alarmet dhe mbyllet hermetikisht, duke parandaluar hyrjen e substancave toksike.

Më pas, aktivizohet sistemi i brendshëm i oksigjenit dhe automjeti largohet menjëherë nga zona e rrezikut.

Komentuesit nuk vonuan ta krahasojnë “The Beast” me mrekullitë teknologjike të filmave fantastiko-shkencorë.

“Ky nuk është automjet, është tank i maskuar,” komentoi dikush. “Direkt nga Wayne Tech,” shkroi një tjetër, duke iu referuar Batman-it.

Dhe me të vërtetë, me gjithë këto veçori, “The Beast” duket më shumë si një qendër komande e blinduar sesa një mjet i zakonshëm transporti.

Në një botë ku kërcënimet janë gjithnjë në ndryshim, mbrojtja e liderëve kërkon zgjidhje të teknologjisë së lartë dhe besueshmëri absolute. “The Beast” është një shembull i gjallë i epërsisë teknologjike të SHBA-së në fushën e mbrojtjes së figurave të rëndësishme shtetërore.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!