Zëvendëskryeministri i Kosovës, Besnik Bislimi, sot gjatë ditës është takuar me ambasadoren e re të Holandës, Karin Boven, ku kanë diskutuar për nevojën e largimit të masave të vendosura nga Bashkimi Evropian (BE) më shumë se një vit më parë.

Bislimi nëpërmjet një postimi në platformën “X” tha se me Boven diskutuan për rrugën e Kosovës drejt BE-së dhe nevojën për heqjen e masave të BE-së kundër Kosovës.

“Kam pasur një takim mikpritës me ambasadoren e re të Holandës në Kosovë, Karin Boven. Diskutuam për thellimin e marrëdhënieve ekonomike dhe tregtare, rrugën e Kosovës drejt BE-së dhe nevojën për heqjen e masave të BE-së kundër Kosovës. Mezi pres të punoj ngushtë me ju, ambasadore”, ka shkruar Bislimi në X.

I had a welcoming meeting with the new ambassador of the Netherlands to Kosova, Karin Boven. We discussed the deepening of economic & trade relations, Kosova’s EU path, & the need for the removal of EU measures against 🇽🇰. Looking forward to working closely with you, Ambassador! pic.twitter.com/uesEKiej4J

— Besnik Bislimi (@BislimiBesnik) September 4, 2024