Biznesmeni i dyshuar, Aziz Tafa është shoqëruar në Polici si pasojë e një arme pa leje që i është gjetur atij, ka mësuar Insajderi.

Me urdhër të Gjykatës, Policia e Kosovës ka kryer disa bastisje në kuadër të disa hetimeve preliminare që po zhvillohen për çështje të privatizimit.

Insajderi ka mësuar se nuk ka pasur urdhërarrest për të, por për shkak të gjetjes së armës, ai është shoqëruar në Polici.

Policia e ka konfirmuar këtë aksion hetimor.

“Policia e Kosovës me urdhër të gjykatës themelore në Prizren ka ndërmarr një operacion policor në dy lokacione ku përfshihen rajoni i Prishtinës dhe ai i Prizrenit. Detajet lidhur me rezultatet e operacionit do te bëhen të ditura me kohë”, ka thënë zëdhënësi i Policisë, Daut Hoxha./Insajderi.com