Në rastin tragjik të Visar Muriqit, punëtori që humbi jetën më 11 tetor 2024 në një shpërthim në pikën e karburantit “Delta Group” në Pejë, mbrojtja e pronarit të kompanisë, Vesel Jusaj, ka kërkuar hedhjen poshtë të aktakuzës.
Kjo kërkesë është refuzuar nga Gjykata Themelore në Pejë, duke lejuar vazhdimin e procedurës gjyqësore.
Më 7 korrik 2025, mbrojtja ka paraqitur ankesë në Gjykatën e Apelit, por deri tani gjykata nuk ka marrë vendim, pasi rasti nuk është cilësuar urgjent dhe gjykata ndodhet në periudhë pushimesh.
Ngjarja ndodhi kur 45-vjeçari Muriqi po shndërronte një bombolë gazi për përdorim në derivate të tjera, duke humbur jetën gjatë këtij procesi.
Pronari i kompanisë, Jusaj, mohon fajësinë dhe hetimet ndaj tij vazhdojnë.
Familjarët e viktimës presin që gjykata të japë dënimin e merituar për përgjegjësinë në këtë tragjedi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
