Sekretari amerikan i Shtetit, Anthony Blinken, i është drejtuar me letër uruese Presidentit të Serbisë, Aleksandar Vuçiq, në rastin e Ditës së Shtetësisë së Serbisë, ku mes tjerash e ka falënderuar “për angazhim konstruktiv” në vizitën e pesë diplomatëve nga ShBA dhe BE, takim ky që përfundoi me pranimin e planit amerikano-evropian për normalizimin e marrëdhënieve Kosovë-Serbi, shkruan Insajderi.

“Kam besim se normalizimi i marrëdhënieve mes Serbisë dhe Kosovës do të sjellë siguri dhe prosperitet për Serbinë dhe për të gjithë qytetarët në Ballkanin Perëndimor”, thotë ai.

Pranimin e planit franko-gjerman nga Serbia dhe Kosova, Blinken e merr për fakt të kryer. Në këtë kontekst, ai thotë se “kompromiset e vështira që do të bëjnë liderët për të arritur këto qëllime” do të sjellin përfitime të mëdha për tërë rajonin.

“Sigurisht, liderët e Serbisë dhe Kosovës do të bëjnë kompromise të vështira për të arritur këto qëllime, por përfitimet për popullin serb – dhe rajonin në tërësi – do të jenë të mëdha”, ka shkruar ai.

Edhe Presidenti i ShBA-së, Joe Biden, të marten i ka dërguar letër Presidentit të Serbisë, ku u shpreh se e mirëpret pranimin e planit frankogjerman për normalizimin e marrëdhënieve ndërmjet Kosovës dhe Serbisë/Insajderi/

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër