Këngëtari dhe tekstshkruesi amerikan,Bob Dylan, ka vendosur që të pranojë Çmimin Nobel për Letërsi, duke përfunduar kështu heshtjen e tij rreth kësaj çështje qysh kur u mësua se ai është fituesi i këtij viti.

Ai ka thënë se nderi që i është bërë me këtë çmim e ka lënë “pa fjalë.”

Megjithatë, ende nuk është e qartë nëse Dylan do të jetë prezent në ceremoninë e marrjes së çmimit në dhjetor, njofton BBC.

Disa ditë pasi iu nda çmimi “Nobel” për Letërsi, për “krijimin e shprehjeve të reja poetike në traditën e lashtë të muzikës amerikane”, Akademia Suedeze ka thënë se janë dorëzuar së përpjekuri që ta kontaktojnë muzikantin i cili nuk kishte dhënë asnjë shenjë se do të pranojë çmimin apo jo.