Bosnja e Hercegovina ka pranuar sot kontigjentin e parë të vaksinave kundër COVID-19 përmes sistemit COVAX.

23 mijë e 400 doza të Pfizer/BioNTech kanë arritur sot në Bosnje pas disa vonesave, teksa kontigjenti i dytë pritet të arrijë sot gjatë ditës shkruan N1.

Bosnja ka porositur gjithsej 1 milion e 232 mijë vaksina përmes COVAX.

Sipas Ministres për Çështje Civile, Ankica Gudaljevic sot gjatë ditës Bosnja do të pranojë edhe 26 mijë e 400 vaksina AstraZeneca.

“Vaksinat që kanë arritur do të shpërndahen tek entitetet  dhe në Distriktin Brcko sa më shpejt që të jetë e mundur pas përfundimit të procedurave të doganës. Ne kemi përfunduar dokumentacionin dhe tani dogana duhet të kryejë punën e saj dhe të lëshojë vaksinat nga aeroporti sa më shpejt që është e mundur”, tha ministrja.