Avioni i parë me shtetas afganë që largohen nga vendi i tyre për shkak të luftës dhe pushtimit nga talebanët, pritet të vijë brenda pak orëvë në kryeqytet. 

Sipas raporteve, thuhet se avioni do të mbërrijë në Rinas pas orës 02:00 të mesnatës. 

Në avionin e parë do të ketë 120 persona, shumica e të cilëve fëmijë. Ata pritet të strehohen në struktura hoteliere në Durrës. 

Grupi i afganëve do të strehohet përkohësisht në Shqipëri. 

Kryeministri Edi Rama tha dje në një intervistë për prestigjozen amerikane CNN se Shqipëria do të presë deri në 4000 afganë. 

“Si mund t’i lëmë të vdesin, kemi kaluar vetë një problem të tillë,” u shpreh kryeministri dje.