Sultan Kosen, i cili është 2.5 metra i gjatë, është divorcuar kohët e fundit dhe tashmë ka udhëtuar drejt Rusisë për të gjetur gruan, me të cilën do të bëjë dy fëmijë.

39 vejçari Kosen është një fermer turk, i cili vuan nga gjigantizmi dhe akromegalia, sindromat që shfaqen kur gjendra prodhon më tepër se ç’duhet hormonin e rritjes. Falë gjatësisë së tij të madhe ai mban rekordin botëror Guinness si njeriu më i gjatë me 2.51 metra.

Kosen, i cili është me origjinë kurde, tregon se ka qenë i martuar me një grua siriane 29 vjeçare 1.75 metra të gjatë, të quajtur Merve Dibo, në vitin 2013.

Në një intervistë ai tregon se problemi kryesor me të shoqen ishte komunikimi pasi ai flet turqisht kur gruaja fliste vetëm arabisht. Tani që është përsëri ‘single’ Kosen mori një avion për të fluturuar drejt Moskës ku po kërkon nusen e tij të re.

Ai thotë se gratë ruse zotërojnë bukuri të madhe dhe një shpirt dashamirës, prandaj dëshiron një të tillë që t’i lindë një djalë e një vajzë.