Deputetja e Aleancës për Ardhmërinë e Kosovës (AAK), Albana Bytyqi, ka komentuar në lidhje me përfshirjen e ambasadorit Martin Berishaj në shitblerjen e energjisë elektrike përmes kompanisë serbe duke thënë se: “Qeveria e Albin Kurtit po dëshmon secilën ditë që kauzat e saj janë të rrejshme”, transmeton Gazeta Insajderi.

Sipas saj, “Është tejet shqetësuese që një kryeministër i vendit sikurse edhe presidentja të mbrojnë publikisht z. Berishaj kur dorëheqja e këtij të fundit është e pakontestueshme.”, ka thënë Bytyqi.

“Rasti i ambasadorit Berishaj është jashtëzakonisht më shumë se një përgjegjësi individuale. Është skandal i përmasave më të mëdha, që kërkon llogaridhënien.”, ka vlerësuar deputetja Bytyqi.

Postimi i Plotë:

“Skandali diplomatik i Qeverisë

Qeveria e Albin Kurtit po dëshmon secilën ditë që kauzat e saj janë të rrejshme. Rasti i ambasadorit Martin Berishaj, që dyshohet të jetë i përfshirë në shitblerjen e energjisë elektrike përmes kompanisë serbe, është skandal i madh diplomatik. Dëmton rëndë imazhin në diplomacinë e jashtme të Kosovës.

Është tejet shqetësuese që një kryeministër i vendit sikurse edhe presidentja të mbrojnë publikisht z. Berishaj kur dorëheqja e këtij të fundit është e pakontestueshme. Rasti i ambasadorit Berishaj është jashtëzakonisht më shumë se një përgjegjësi individuale. Është skandal i përmasave më të mëdha, që kërkon llogaridhënien.

Z. Kurti i cili ka ‘’ngritur’’ standarde tejet të larta mbi qeverisjen e pastër dhe ka bërë demagogji para popullit, duhet të bart peshën e veprimeve të tij.”

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur