Me 4 qershor, Naim Murseli, Granit Plava dhe Kushtrim Kokalla do të dalin para trupit gjykues lidhur me vrasjen e Liridona Ademajt, e cila u vra në nëntor të vitit 2023, përcjell Insajderi.
Lajmi është bërë i ditur nga Gjykata Themelore e Prishtinës e ka caktuar datën.
“Seanca gjyqësore është caktuar më 4 qershor 2025”, njoftoi, zëdhënësja për media, Mirlinda Gashi.
Në seancën fillestare të mbajtur më 31 janar të këtij viti, bashkëshorti i Liridonës, Naim Murseli, është deklaruar i pafajshëm, Granit Plava është mbrojtur në heshtje, teksa Kushtrim Kokalla s’është deklaruar fare rreth fajësisë.
I vetmi që e kishte pranuar fajësinë ishte Tom Dodaj, i cili akuzohej për shitjen e armës me të cilën u krye vrasja. Sipas aktakuzës ai ua kishte shitur armën Naim Murselit e Granit Plavës për 280 euro. Për këtë vepër, Gjykata e kishte dënuar Dodajn me pesë vjet burgim e pesë mijë euro gjobë.
Liridona Ademaj u vra mbrëmjen e 29 nëntorit 2023, në hyrje të fshatit Bërrnicë të Prishtinës, teksa po kthehej në shtëpinë e saj me bashkëshortin dhe dy fëmijët. Ajo u qëllua me plumb në qafë
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
