Kandidati i PDK’së për kryetar të Komunës së Lipjanit, Shukri Buja, ka njoftuar për arritjen e një marrëveshjeje bashkëpunimi me Partinë e Ashkalinjëve për Integrim .
Sipas marrëveshjes, PAI nuk do të garojë me listë të veçantë për Kuvendin Komunal në zgjedhjet lokale të vitit 2025, por do të mbështesë kandidaturën e Bujes për kryetar.
“PDK dhe unë personalisht marrim përsipër që gjatë mandatit qeverisës katërvjeçar të përfshijmë projektet dhe prioritetet e komunitetit ashkali në të gjitha fushat e kompetencave komunale, si dhe të sigurojmë përfaqësim të drejtë institucional”, ka deklaruar Buja.
Ai e ka cilësuar këtë marrëveshje si një hap drejt një Lipjani më gjithëpërfshirës, ku çdo komunitet do të ketë zërin dhe vendin e tij në zhvillimin e përbashkët të komunës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
