Policia e Kosovës ka zhvilluar një operacion të gjerë në komunën e Kaçanikut, si pjesë e hetimeve për vrasjen e rreshterit të Njësisë Speciale, Muhamed Lika.

Ministri i Punëve të Brendshme në detyrë, Xhelal Sveçla, ka konfirmuar se gjatë këtij operacioni janë bërë arrestime të reja, ndërkohë që numri përfundimtar i të ndaluarve ende nuk dihet, pasi aksioni është ende në zhvillim e sipër.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Të gjitha institucionet ligjzbatuese janë të vendosura që të luftojnë çfarëdolloj ekstremizmi apo dhune që dëmton institucionet dhe vetë popullin e saj,” deklaroi Sveçla.

Sipas burimeve të Insajderit, deri tani sot janë arrestuar Fatjon Tusha, Ridvan Axhami, Elmedin Raka dhe Labinot Murati.

Insajderi do t’ju mbajë të informuar lidhur me rastin…

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!