Prokuroria e Tiranës ka mësyrë në ambientet e kompanisë CFO Pharma, të Nadir Çaushollit duke sekuestruar praktikisht të gjithë inventarin dhe dokumentacionin e rimbursimeve.

Aksioni është urdhëruar nga prokurori Ndini Tavani, ndërkohë që ambientet e kompanisë mbahen të rrethuara me forca policie, që prej ditës së djeshme.

Sekuestrimet janë shtrirë dhe në dy kompanitë satelite të CFO Pharmas, Pharma Plus dhe Medyx Albania. Prokuroria dyshon se të tre kompanitë janë përfshirë në një skemë faturash false dhe shitjes fiktive të barnave me qëllim për të përfituar rimbursime. Në qendër të hetimit janë veçanërisht dy medikamente që përdoren për sëmundjen e astmës, të quajtur respektivisht Foster dhe Trimbow.

Në lidhje me këto dy medikamente të prodhuara nga kompania italiane Chiesi Farmaceutici, Nadir Çausholli, pronari i “CFO Pharma” dha versionin e tij, ku u shpreh se e gjitha një sulm ndaj kompanisë së tij, për shkak se do të marrë ekskluzivitetin e mallrave Foster dhe Trimbow.

Çausholli e lidhi skandalin me sulm konkurrence nga Ilir Shehu (Pasholli), pronari i kompanive Medicamenta dhe Mega Store./ZËRI

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur