Zyrtarët e Shërbimit Sekret amerikan ka i ka bërë të ditur stafit elektoral të Donald Trump që të ndalojë mbajtjen e mitingjeve të mëdha në natyrë. Masa vjen pas atentatit ndaj ish-presidentit në Pensilvani.

Washington Post citon burime nga brenda agjencitë sekrete amerikane të cilët kanë diskutuar planet për sigurinë e Donald Trump. Për takimet e ardhshme, skuadra e Trump është duke vëzhguar vende të mbyllura, të tilla si arenat e basketbollit dhe hapësira të tjera të mëdha ku mund të vendosen mijëra njerëz. Ndërkohë bëhet e ditur se stafi elektoral i Donald Trump nuk po planifikon ndonjë takim me pjesëmarrje të gjerë në natyrë, tha një person i afërt me Trump, citon Washington Post.

Pas të shtënave ndaj Donald Trump, agjentët e Shërbimit Sekret ia komunikuan shqetësimet e tyre për mitingje të mëdha në natyrë, këshilltarëve të fushatës së Trump.

Trump ka mbajtur qindra mitingje në natyrë që nga takimi i tij i parë presidenciale, shpesh duke u mburrur për pjesëmarrjen e madhe të qytetarëve në takimet e tij elektorale. Mitingjet mbahen shpesh në aeroporte, por gjithashtu mbahen në terrene panairesh, stadiume futbolli ose vende të tjera të mëdha në natyrë.

Tubimet në ambiente të mbyllura janë më të shtrenjta, thanë këshilltarët e fushatës së Trump për mediat amerikane. Por një pjesëtar i stafit elektoral të Trump, i cili foli në kushte anonimiteti për të përshkruar planet private, tha se takimet në ambiente të mbyllura janë në thelb më të sigurta, sepse është më e lehtë të kontrollohet se kush kalon nëpër një numër të kufizuar dyersh dhe ka më pak çështje të shikimit.