Sportistë nga e gjithë bota po marrin pjesë në 32 sporte të ndryshme në Lojërat Olimpike të Parisit.

Kemi parë shumë shembuj të sportistëve që përpiqen shumë për të fituar një medalje, me Tom Pidcock që u rikuperua nga një gomë e shpuar për të fituar në garën e biçikletave malore dhe Alex Yee që përmbysi një disavantazh të madh për të triumfuar në triatlonin e meshkujve.

Por cili është sporti më i vështirë nga të gjithë?

Në vitin 2011, Bleacher Report tentoi t’i përgjigjej kësaj pyetjeje duke vlerësuar sportet në gjashtë kategori të ndryshme – shpejtësi, qëndrueshmëri, forcë, shkathtësi, nivel aftësish dhe fizikë.

Ata i dhanë secilës kategori një vlerësim nga 10, për të arritur në një total përfundimtar prej 60 pikësh.

Dhe, sipas llogaritjeve të tyre, waterpolo doli sporti më i vështirë në botë me një vlerësim prej 44 pikësh nga 60.

Sporti bazuar në ujë – që zhvillohet në Olimpiadë – ka marrë vlerësime të larta kryesisht për shkak të qëndrueshmërisë së kërkuar (9/10), me notarët që duhet të qëndrojnë mbi ujë për më shumë se 30 minuta për ndeshje, dhe fizikës (8/10) falë goditjeve dhe kapjeve që ndodhin nën ujë.