Ndihmës sekretari amerikan i Shtetit, James O’Brien, për Rregulloren e BQK-së sa i përket çështjes së dinarit është shprehur se me këtë qëndrim Qeveria e Kosovës ka vënë në pikëpyetje partneritetin me Shtetet e Bashkuara. Po ashtu, edhe në Këshillin e Sigurimit ishte hera e parë që aleatët e Kosovës kritikuan vendin tonë për mos ndryshimin e këtij vendimi përkundër kërkesës së tyre.

Pas deklaratave të O’Brien, nënkryetarja e Partisë Demokratike të Kosovës, Vlora Çitaku tha se tashmë është e ditur botërisht që s’ka asnjë koordinim me SHBA-në, duke theksuar se Këshilli i Sigurimit shpërfaqi në formën më brutale këtë mos-koordinim.

Me anë të një postimi në rrjetin social Facebook, ajo është shprehur se për dinarë e fletushka ka ndodhur kjo.

Më tej, Çitaku iu është drejtuar presidentes Vjosa Osmani duke i thënë se është momenti i fundit që ajo, si bartëse e politikës së jashtme të deklarohet publikisht, se a e mbështetë kursin konfrontues të Kurtit, apo mendon ndryshe.

Nënkryetarja e PDK-së, i kërkon asaj të flasë, se kësaj radhe “heshtja nuk është flori”. /Insajderi.org/

Postimi i plotë: