Ministria e Administrimit të Pushtetit Lokal ka evidentuar shkelje në vendimin e Kuvendit Komunal të Shtimes, në mbledhjen të cilën e ka mbajtur me 28 janar të këtij viti.
Në një dokument të kësaj ministrie të nënshkruar edhe nga ministri Elbert Krasniqi decidivisht thuhet se vendimi e kuvendit të mbajtur në datën e lartcekur “është në kundërshtim me dispozitat e legjislacionit në fuqi” shkruhet në dokumentin e kësaj ministrie.
Vendimi i kontestuar nga MAPL është se në zgjedhjen e Komitetit për Komunitete organ ky i Kuvendit Komunal të Shtimes, nuk është marrë në përputhje me Ligjin për Barazi Gjinore, dhe udhëzimet e tjera administrative, të cilat decidivisht kanë të përcaktuar kriteret.
Kjo ministri ndër të tjera i ka kërkuar institucioneve të kësaj komune, “që të ndërmarrin veprime konkrete që aktin e komunës ta harmonizojnë me ligjet në fuqi, brenda 30 ditësh, nga data e pranimit të kërkesës për rishyrtim të aktit”, thuhet në këtë dokument.
E duke i parë këto shkelje, Partia Demokratike e Kosovës e cila është në opozitë në këtë qytet ka braktisur mbledhjen e këtiij kuvendi të datës 22 mars.
Madje ata kan bërë një njoftim publik në rrjetin social Facebook, se nuk do të jenë pjesë e një mbledhje kuvendi ku ka shkelje të ligjit, madje ata kanë akuzuar kryesuesin e kuvendit për menaxhim të dobët, dhe i cili është nën diktimin e kryetarit të kësaj komune.
“Partia Demokratike e Kosovës (PDK) dega në Shtime, nuk do të jetë pjesë e seancave të Kuvendit ku ka shkelje të ligjit, keqmenaxhim dhe keqpërdorim të pozites nga ana e kryesuesit të Kuvendit, i shtyrë nga kryetari Komunës, i cili edhe mbledhjen e kaluar edhe këtë mbledhje ka shkelur rregulloren e punës së Kuvendit dhe Komiteteve duke mos lejuar qe te hudhet ne votim Rendi i Dites”, shkruhet në njoftimin e kësaj partie.
Kujtojmë se kjo komunë për herë të parë tani ndodhët nën qeverisjen e Lëvizjes Vetëvendosje, pasi që kryetari aktual Qemajl Aliu në zgjedhjet për balotazh të 14 nëntorit të vitit të kaluar, me një diferencë të ngushtë arritë të mposhtë kandidatin e PDK’s, Naim Ismajli./gazetametro.net
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
