Banka e njohur zvicerane, Credit Suisse, ka publikuar raportin e përvitshëm për pasurinë globale.  Sipas raportit, qytetarët e Kosovës kanë një pasuri prej tre miliardë dollarësh, me një mesatare prej 1921 dollarëve pasuri për të rritur.

Sa për krahasim, pasuria mesatare e një kosovari në vitin 2000 ka qenë 1,092 dollarë.

Në anën tjetër, qytetarët në Shqipëri kanë shumëfish më shumë pasuri se ata në Kosovë.

Sipas raportit, pasuria totale që kanë shqiptarët llogaritet në 21 miliardë dollarë, të cilës i korrenspodon një mesatare prej 9 mijë e 200 dollarë për të rritur.

Raporti i Credit Suisse mbi pasurinë globale është një nga referencat kryesore në botë për treguesin e pasurisë.

Ai mat pasurinë neto të individëve në 130 shtete të botës. Sipas raportit, pasuria e individëve matet duke mbledhur të gjitha asetet që ata kanë, si depozitat në banka dhe pasuritë e tjera të tundshme apo të patundshme, minus borxhet që kanë marrë.

Qytetarët serb kanë një pasuri prej 52 miliardë dollarësh, apo mestarisht prej 6,906 dollarë, ndërsa pasuria mesatare për një malazez është me një pasuri prej 9 miliardë dollarësh në total./Insajderi.com