Ministri i Punëve të Jashtme i Serbisë, Ivica Daçiq, e ka quajtur vendim “skandaloz” dhe “të turpshëm” votimin pro Raportit për anëtarësimin e Kosovës në Këshillin e Evropës, sot në Paris në takimin e Komitetit për Politikë të Jashtme dhe Demokraci.

Ministria e Punëve të Jashtme të Serbisë me anë të një njoftimi bën të ditur se Daçiqi ka thënë se ndër të tjera, “ky vendim shkatërron të gjitha parimet mbi të cilat mbështetet Këshilli i Evropës”.

“Për herë të parë është propozuar pranimi i një territori që nuk është anëtar i Kombeve të Bashkuara dhe nuk njihet ndërkombëtarisht”, ka thënë Daçiqi.

Ai tha se vendimi kërcënon integritetin territorial dhe sovranitetin e Serbisë, shkruan Tanjug.

Sot është votuar pro anëtarësimit të Kosovës në KiE. Ky votim i hap rrugën anëtarësimit të plotë të Kosovës në këtë organizëm.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur