Përkitazi me aktin humanitar të Malit të Zi kur ka dhuruar vaksina për Forcat e Sigurisë së Kosovës, në këtë kohë të pandemisë, kur në gjithë botën bëhen donacione të vaksinave në mes shteteve të ndryshme, Daçiq këtë e quan “provokim ndaj Serbisë”.

“Ne kemi paralajmëruar haptas se ndryshimi i dhunshëm i situatës në teren do të thotë se marrëveshjet më nuk vlejnë”, ka pretenduar kryetari i kuvendit serb Ivica Daçiq për median serbe B92.

I pyetur nëse frikohet nga konflikti i ngrirë, veçanërisht pasi Perëndimi po i armatosë Forcat e Sigurisë së Kosovës, Daçiq u përgjigj:

“Ne kemi paralajmëruar haptas se çdo ndryshim i situatës në terren me forcë do të thotë që marrëveshjet e nënshkruara nuk janë më të vlefshme, Serbia nuk do të lejojë pushtimin ushtarak të Veriut. Është e qartë për të gjithë se çfarë do të thotë kjo. Të gjithë janë të vetëdijshëm se konfliktet e reja do të ishin fatale”, kërcënon edhe një herë Daçiq.

Lidhur me Rezolutën për Srebrenicën të miratuar nga Mali i Zi, Ivica Daçiq ka pretenduar:

“Mali i Zi ka miratuar një rezolutë tjetër mbi Srebrenicën. Ata kanë edhe një rezolutë që është e njëjtë me atë serbe”. Nga ana tjetër, ai deklaron se “Kroacia duhet të miratojë një Rezolutë që shpall gjenocid në Jasenovc përpara se të miratojë Rezolutën për Srebrenicën”./Insajderi.org.