Kryetari i parlamentit serb, Ivica Daçiq ka deklaruar se në vitin 2012, ka qenë pyetja nëse ka diçka për të negociuar me Kosovën apo tashmë gjithçka kishte mbaruar.

“Marrëveshja e Brukselit nuk kishte të bënte me çështjen e statusit, dhe ndërkohë pozicioni i Serbisë është përmirësuar dhe 19 vende e kanë tërhequr njohjen. Kosova nuk ka më shumicën në organizatat ndërkombëtare dhe sot është ngritur çështja e kompromisit, ndërsa në vitin 2012 askush nuk donte të dëgjonte për këtë”, ka pretenduar Daçiq.

Ai ka thënë se “situata tani është shumë më e mirë”, por që presionet për ta njohur pavarësinë e Kosovës ende ekzistojnë./Insajderi.org.