Pas vonesës një ditore të pagave të sektorit publik janë ekzekutuar pagat e shërbyesve civil në Kosovë, shkruan Insajderi.

Mos ekzekutimi i pagave gjatë ditës së djeshme nxiti shume reagime, duke përfshirë edhe opozitën.

Partia e Ramush Haradinajt madje njoftoi se për këtë veprim të Qeverisë Kurti, kanë kërkuar edhe seancë të jashtëzakonshme.

Siç u raportua, kjo vonesë ndodhi për shkak se institucioni i Thesarit të Shtetit, ka qenë me ushtrues detyre, si rrjedhojë Ministria e Financave s’ka arritur që të ekzekutojë pagat për shërbyesit civil.

Ndërkohë, zyrtarisht nga Ministria e Financave ende nuk kanë dhënë ndonjë sqarim.