Një sulm me armë zjarri ka ndodhur sot në shkollën Risbergska, në Suedi, në një kampus arsimor të Örebros, i cili merret me studentë mbi 20-vjeçar, duke ofruar nivele të ndryshme trajnimi dhe kurse gjuhësore për emigrantët.

The Guardian ka publikuar një video nga momenti i sulmit që ndodhi ku mbetën të plagosur pesë persona.

Autoritetet suedeze kanë konfirmuar se në mesin e pesë personave të plagosur është edhe një polic, por shtojnë se numri i të plagosurve mund të rritet.

Katër nga ta u janë nënshtruar operacioneve dhe njëri është në gjendje të rëndë, thonë ata.