Dani Alves, mbrojtësi brazilian i Barcelonës, dhe Joana Sanz, partnerja e tij, janë martuar në fshehtësi, raporton revista “Hola”.

Alves dhe modelja, të cilët festuan të mërkurën 1-vjetorin e marrëdhënies së tyre, u martuan në Paris. Alves, 33 vjeç, dhe Joana Sanz, 23 vjeçe, e kanë bërë këtë në fshehtësi, siç ka raportuar revista “Hola”, e cila shpjegon disa detaje të dasmës.

Kjo është lidhja e dytë për brazilianin, i cili ishte i martuar deri në vitin 2011 me Dinora Santana, nënë e dy fëmijëve të tij.

Joana Sanz, e cila ka qenë në kopertinën e revistës “Woman”, kishte veshur për llogari të “Rosa Clara” vello të bardhë edhe gjatë “Javës së Barcelonës”, në fund të prillit, një paradë e cila u ndoq nga Dani Alves, shkruan telesport.

Modelja nga Tenerife, e pyetur për një martesë të mundshme, tha vetëm se “kurrë nuk do të ketë një datë për këtë. Ne nuk i bëjmë planet e ardhshme kurrë. Unë nuk e di atë që do të bëj nesër, kjo është e gjitha relative. Ky është një angazhim për ne dhe askush nuk duhet ta dijë. Ndoshta nuk e keni vënë re, papritmas.”