Tifozët e përfaqësueses së Kosovës, të njohur si “Dardanët”, kanë dalë me një njoftim të rëndësishëm para përballjes së sontme ndaj Zvicrës në Basel, e vlefshme për kualifikimet e Kampionatit Botëror 2026.
Në komunikatën e publikuar, ata kanë bërë të ditur se, me rekomandim të forcave të rendit zvicerane, tifozët do të mblidhen nga ora 14:00 në “Christoph Merian Park”, i caktuar si pikëtakimi kryesor i përkrahësve të Kosovës.
“Le të jehojnë këngët dhe atmosfera drithërruese për kombëtaren e atdheut të shenjtë që kemi, për të marshuar të gjithë së bashku më vonë në stadium dhe për të sunduar në tribuna Dardanët me përkrahje, kurse futbollistët në fushë me rezultat pozitiv”, thuhet në njoftim.
Përmes këtij organizimi, “Dardanët” synojnë që përveç prezencës masive, të krijojnë atmosferë të zjarrtë dhe mbështetje të fuqishme për futbollistët e Kosovës në një nga ndeshjet më të rëndësishme të ciklit kualifikues.
“Për Kosovën. Për ndjenjën më të bukur në botë!”, thuhet në njoftimin e tyre.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
