Dasma e Leonora Brajshorit dhe anglezit Ethan Clift, u bë virale në internet pas fotografive dhe videove ku pjesëtarja e Ushtrisë Britanike, shihet e veshur me dallamë ndërkohë burri i saj me uniformë angleze.

Rreth dasmës dhe jetës së tyre si çift, ka folur Brajshori dhe bashkëshorti i saj Clift përmes një lidhjeje me Skype në emisionin e mëngjesit në Klan Kosova.

Ushtarakja tha se me burrin e saj njihet që tetë vjet pasi të dy punojnë në ushtri.

“Ne punojmë bashkë në Ushtri që tetë vjet, e njohim njëri-tjetrin shumë gjatë por gjithë kemi qenë shokë. Para dy vitesh Ethan më ftoi në darkë dhe kemi dalë”.

Ndër të tjerash, Leonora tha se Ethan di shumë fjalë shqip dhe se familja e tij e do shumë.

“Më presin me duar hapur”, tha ajo.

Rreth dallamës të cilën e pati të veshur në dasmë, ajo tha se gjithmonë i ka pëlqyer madje porosinë për të e ka bërë nga Anglia.

“Ideja ka qenë e mamit të Ethan pasi i kam tregu se si vishemi kur martohemi. Në dasmë kishim të drejtë për vetëm 15 mysafirë”, tha mes tjerash Brajshori.