Ekipet negociatore të Kosovës dhe Serbisë, në takimin e fundit, me ndërmjetësim të BE-së, kanë arritur pajtimin që kufiri në mes të dy komunave të Mitrovicës të definohet deri më 14 tetor të këtij viti. Portali “Kossev” në veri të Mitrovicës ka përcjellë disa nga vendimet që janë marrë në takimin e fundit, e që janë pajtuar të tri palët në procesin e bisedimeve në Bruksel, BE-ja, Prishtina dhe Beogradi.

Sipas marrëveshjeve të arritura, të dielën më 14 gusht do të fillojë procesi i rivitalizimit të urës kryesore mbi lumin Ibër. Pas përfundimit të punëve të ristrukturimit, ura do të jetë krejtësisht e hapur më 20 janar 2017. Ky është afati më i ri që kanë caktuar ekipet negociatore. Gjithashtu, me fillimin e rivitalizimit të urës do të fillojë gjithashtu edhe rivitalizimi i rrugës kryesore të Mitrovicës së veriut, shkruan Zëri.

Rruga kryesore në veri të Mitrovicës “Mbreti Peter I”, e cila fillon nga ura kryesore e Ibrit, do të shndërrohet në zonë për këmbësorë, ndërkohë që në të dy anët e urës në drejtim të “Lagjes së Boshnjakëve”, “Tre soliterëve” dhe të Suhadollit do të ndërtohen rrethrrotullime. Këto janë detaje të reja që kanë dalë nga takimi i fundit i delegacioneve të Kosovës dhe Serbisë në Bruksel.

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër