Tre të akuzuarit për sulmin terrorist në Banjskë ku mbeti i vrarë polici Afrim Bunjaku, janë deklaruar të pafajshëm lidhur me akuzat ndaj tyre, shkruan Gazeta Insajderi.

Blagoje Spasojeviç, Dushan Maksimoviç dhe Vladimir Toliç u deklaruan të pafajshëm para trupit gjykues.

Prokuroria Speciale e Kosovës ka ngritur aktakuzë ndaj 45 personave për inkursionin paramilitar në Banjskë, përfshirë gangsterin dhe politikanin serb, Millan Radoiçiç, i cili vazhdon të jetë i lirë në Serbi, duke i ngarkuar shumicën prej tyre për kryerje të terrorizmit dhe veprave të rënda kundër rendit kushtetues dhe sigurisë së Kosovës.