Deputetja e Partisë Demokratike të Kosovës, Blerta Deliu-Kodra, ka drejtuar akuza për ministren e Drejtësisë, Albulena Haxhiu, se po i jep zë krimit nëpërmjet heshtjes së saj në lidhje me raportimin e përfshirjes së ambasadorit Martin Berishaj, në një skandal të shpërlarjeve të parasë.

Deliu thotë se ministrja e Drejtësisë, duhet të mbajë qëndrim politik nëse ambasadori Berishaj duhet të shkarkohet apo jo.

“Tash e disa ditë heshtje nga ajo për skandalin e pushtetit në emër të së cilit qeverisë. Duke heshtur për megaskandalin që përfshin ambasadorin tonë në Kroaci, i cili mes tjerash, ka bërë vepër penale duke fshehur pasurinë e deklaruar në Agjencinë Kundër Korrupsion, Ministrja po i jep zë krimit“, ka shkruar Deliu në Facebook.

Ambasadori i Kosovës në Kroaci, Martin Berishaj, ka mohuar akuzat për përfshirje në skandalin financiar që u zbulua në Slloveni, ku mediat sllovene raportuan se ai i ka bartur para kesh rreth 600 mijë euro nga kompania e tij në Mal të Zi te politikani slloven.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur