Deputetja e Partisë Demokratike të Kosovës, Blerta Deliu-Kodra ka komentuar vendimin e qeverisë, gjegjësisht të Ministrisë së Financave e cila sot ka kërkuar emrat e grevistëve që t’ua ndalojë pagat e benefitetet tjera, shkruan Insajderi.  

Ky veprim i Qeverisë Kurti po cilësohet skandaloz nga deputetja Deliu-Kodra.

“Kur jemi tek grevat, Vetëvendosja sa ishte në opozitë mbështeste hapur ato. Sot në pushtet, vendimet e kësaj qeverie ndaj grevistëve janë skandaloze dhe nuk i ngjajnë aspak një shteti demokratik”, tha ajo për Insajderin.

Deputetja ka thënë se vetëm sistemet e kaluara kanë ndërmarrë veprime të tilla.

“Vetëm ish sistemet kanë penguar kërkesat e punëtorëve për mirëqenie më të lartë, pagë optimale e siguri në punë. Greva është e drejtë e garantuar me ligj!”, theksoi deputetja.

Kërcënimi skandaloz i qeverisë ndaj grevistëve – vjen reagimi i Vlora Çitakut

Skandaloze vendimin e Qeverisë Kurti po e quan edhe kreu i Grevistëve të BSPK-së, njëherit kryetari i SBASHK-ut, Rrahman Jasharaj derisa paralajmëroi se mund të ketë eskalim të situatës.

Ai tha për Insajderin se sipas ligjit për greva nuk mund të merren masa ndëshkuese ndaj grevistëve.

“Urojë të jetë dezinformatë. Por nëse është e vërtetë është një hap tejet i gabuar dhe skandaloz qoftë i ministrit Murati qoftë i Qeverisë Kurti, greva jonë është legjitime e paraparë edhe me ligjin për grevë, duhet ta lexojnë këtë ligj. Dhe aty thuhet se në grevën legjitime s’mund të merret asnjë masë ndëshkuese, me largim nga puna apo ndonjë ndëshkim tjetër material“, tha Jasharaj për Insajderin.

“Me kërcënime të tilla Kurti do të krijojë një situatë të rënduar, të acaruar dhe nuk besoj që do të jetë dëshirë e tyre aspak”, u shpreh ai.

I pyetur nëse ky vendim do t’i zprapsë, Jasharaj u shprehë i bindur që jo.

“Nuk do të zprapsemi, sepse jemi të sigurte që qeveria nuk do ta bëjë këtë hap sepse nëse e bën këtë hap në kohën kur ne po luftojmë edhe për një kafshatë të gojës, të na ndalet e tërë kafshata e tërë buka kam frikë se pastaj me apo pa qëllim qeveria do të krijojë një situatë tepër të rënduar, të esklauar dhe pastaj njerëzit me bark të uritur nuk mund të mendojnë qartë”, deklaroi ai.

“Ne këtë grevë po e bëjmë nga zori, e kemi lutur qeverinë në të gjitha mënyrat”.

Koha kur Vetëvendosja fajësonte qeverinë për grevën në arsim – sot vendosi t’iu ndalë pagat grevistëve

Në një emali të drejtuar Ali Sefajt, anëtarit të këshillit Grevist dhe Përfaqësues i Shoqatave Sindikale të nivelit qendror, ministria ka kërkuar sipas nenit 18 që të kenë një listë të personave që janë në grevë për t’i pezulluar nga puna dhe tu ndalen benefitet.

Detajet për Gazetën Insajderi i shpalosi vet shkruesi i kësaj kërkese. Zëvendëssekretari i Përgjithshëm i Ministrisë së Financave, Enis Spahiu.

“Po është kërkesë ligjore është neni 18 i Ligjit për Greva, paragrafi 1, i cila kërkon që persona që janë në grevë tu pezullohen paga dhe përgjegjësia nga puna. Neni 18 i Ligjit për Greva kërkon pezullimin e kontratës së punë dhe të mos këtë përgjegjësi me punu po ashtu edhe të mos paguhet, vetëm për këtë arsyeje e kemi dërguar emalin”, tha Spahiu per Insajderin.

Tutje, zv.sekretari tregoi se ministria nuk ka qenë e njoftuar për grevë më herët dhe se sot ishin njoftuar.

“Sot e kemi marrë njoftimin për grevë nuk kemi pas më herët njoftim. I kemi shkruar sindikatave dhe i kemi garantuar që nuk e pengojmë grevën vetëm proceduralisht na duhet me ditë kush është në grevë, prej kujt mundemi të kërkojmë punë dhe prej kujt jo. Ne kemi pranuar sot email prej Ali Sefaj dhe ati i kemi kthyer emailin duke i treguar se administrativisht duhet zhvilluar disa procedura pa e penguar procesin e grevës”, tha Spahiu për Insajderi.

Ndërkohë, ka muaj të tërë që BSPK e SBASHK-u kanë paralajmëruar greva, paraprakisht ka pasur edhe veprime tjera sindikale.

/GazetaInsajderi

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur