Talenti francez, Ousmane Dembele ka deklaruar se ai nuk u tundua nga ofertat e shumta të klubeve të tjera dhe se është i bindur se ka bërë zgjedhjen e duhur.

Lojtari i U21 të Francës nënshkroi një kontratë pesëvjeçare me ekipin gjerman javën e kaluar duke i dhënë fund spekulimeve mbi të ardhmen e tij, por pranon se ka pasur opsione të tjera pafund.

Dembele thuhet të ketë tërhequr vëmendjen e Barceloa-s, Bayern-it dhe Liverpool-it me paraqitjet e tij të mira te Rennes gjatë këtij sezoni, por nuk kishte dyshime mbi destinacionin e tij të ardhshëm sapo Dortmund i trokiti në derë.

“Kisha mjaft oferta, por e bëra të qartë që në fillim që isha i interesuar vetëm për Dortmund-in,” shprehet Dembele për Sport Bild.

“Mënyra se si treguan interes më qartësoi se ata kërkonin të më transferonin me ngulm. Kam pasur shumë takime me trajnerin Tuchel. Jam i bindur se do të kem trajnerin e duhur për t’u përmirësuar më tej. Dortmund është ekipi perfekt për lojtarët e rinj, dhe e kanë treguar këtë gjë. Mezi po pres të luaj ndeshjen time të parë përpara tifozëve vendas”,përfundoi ai.

Dembele është me origjinë senegaleze, por përfaqëson skuadrën kombëtare të Francës. /Insajderi.com