Ministri i ministrisë për Forcën e Sigurisë së Kosovës, Haki Demolli u takua, në bazën e  KFOR-it, me Komandantin e  Kontingjentit ushtarak të KFOR-it, në Kosovë, gjeneral major Guglielmo Luigi Miglieta.

Gjatë takimit u bisedua për situatën e sigurisë në vend, procesin e transformimit të Forcës së sigurisë së Kosovës në Forca të Armatosura të Kosovës si dhe mbi bashkëpunimin e Ministrisë për Forcën e Sigurisë dhe të Forcës së Sigurisë me Komandën dhe KFOR-in në përgjithësi.

Me këtë rast, Ministri Demolli e njoftoj Komandantin e KFOR-it mbi shkallën e përgatitjes të Forcës së Sigurisë së Kosovës për tu transformuar në Forca të Armatosura, në momentin që do të merret vendim, nga institucionet më të larta të shtetit të Kosovës, transmeton Klan Kosova.

Sipas tij, procesi i transformimit të FSK-së në Forcë të Armatosur plotësisht do të jetë transparent duke u shprehur i gatshëm për transparencë të plotë përgjatë gjithë procesit të  transformimit.

Komandanti i KFOR-it konfirmoi gatishmërinë për vazhdimin e bashkëpunimit me Ministrinë për Forcën e Sigurisë së Kosovës e gjithashtu edhe gatishmërinë për garantimin e paqes dhe sigurisë, në të mirë të funksionimit të jetës së qetë dhe të sigurte në Republikën e Kosovës.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”