Menjëherë pas lajmit se kryeministri turk kishte thënë se Turqia më gjasë do t’i dënojë me vdekje 6 mijë ushtarët puçist të kapur, Bashkimi Evropian ka reaguar.

Një zyrtar i lartë i BE-së, ka thënë se nëse Turqia vendosë të paraqet dënim me vdekje për ushtarët, nuk do të jetë pjesë e vendeve të Bashkimit Evropian.

“Më lejoni të jem e qartë … asnjë vend nuk mund të bëhet anëtare e BE-së nëse vendi paraqet dënimin me vdekje”, tha shefja e politikës së jashtme të BE-së, Federica Mogherini.

Bisedimet e rivendosja e dënimit me vdekje janë ringjallur në Turqi, pas përpjekjes së dështuar për grusht-shtet ushtarak gjatë fundjavës, ku të paktën 290 persona u vranë.