Gjykata Themelore e Mitrovicës ka dhënë verdiktin përfundimtar ndaj dy policëve  Blerim Ramës dhe Kenan Hasanit, të akuzuar për “marrje të ryshfetit”.

Të akuzuarit u dënuar me nga 6 muaj dënim me burg.

Ky dënim nuk do të ekzekutohet nëse të pandehurit nuk kryejnë vepër të njëjte apo më të rëndë penale, në afat prej 2 vitesh, njofton Betimi për Drejtësi.

Gjatë seancës së sotme, të pandehurit e kanë pranuar fajësinë për kryerjen e kësaj vepre penale, ndonëse dje kishin mohuar këtë fakt.

Blerim Rama dhe Kenan Hasani, kishin përfituar materialisht nga i dëmtuari Arber Sylejmani.

Sipas aktakuzës policët kishin konstatuar se Sylejmani, e drejtonte automjetin me regjistrim të skaduar derisa ata kanë kërkuar nga i dëmtuari që t’ua blejë 3 pako ne cigare Marlboro, që të njëjtin mos ta dënojnë.