Gjykata ka dënuar këtë të enjte me 2 vjet burg ish-Prokurorin e Përgjithshëm Adriatik Llalla, për fshehje të pasurisë. Gjithashtu, gjykata pranoi edhe kërkesën tjetër të SPAK që i heq të drejtën për të ushtruar funksione publike për 5 vjet.

Po ashtu, gjykata vendosi sekuestrimin e pasurisë së Llallës, 4 sipërfaqe tokë dhe një apartament në Durrës.

Pas dhënie së vendimit, Llalla nuk pranoi të prononcohej për gazetarët, teksa la ambientet e Gjykatës së Posaçme kundër Korrupsionit dhe Krimit të Organizuar.

Ish-Kryeprokurori pritet ta apelojë këtë vendim dhe deri në dhënien e vendimit përfundimtar nga Apeli, ai do të qëndrojë i lirë.