Deputetët e Listës Serbe nuk u deklaruan publikisht se a do të votojnë për zgjedhjen  e kandidatit për kryetar të Kuvendit të Kosovës, që do të propozohet nga Lëvizja Vetëvendosje në seancën e nesërme konstituive të Kuvendit.

Mbetet pikëpyetje qëndrimi i Listës Serbe për këtë çështje deri në seancën e nesërme, raporton EO.

Deputetët e Listës Serbe mbërritën paardite në Kuvendin e Kosovës për të kryer procedurat e nevojshme të regjistrimit si deputetë.

Gjatë ditës së sotme pritet regjistrimi i deputetëve të rinj të Kuvendit të Kosovës nga radhët e koalicionit AAK-Nisma.

Sipas rezultatit zgjedhor të 9 shkurtit, ky koalicion ka siguruar gjithsej tetë ulëse në Kuvendin e Kosovës, me pesë deputetë nga Aleanca për Ardhmërinë e Kosovës (AAK) dhe tre nga Nisma Socialdemokrate.

Regjistrimi pritet të kryhet deri në orën 16:00.

Javën e kaluar këtë proces e kanë përfunduar Vetëvendosje, PDK-ja e LDK-ja, ndërsa nesër pritet të mbahet seanca konstituive e Kuvendit të Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!