Kryetari i Komisionit për Punë të Jashtme në Bundestagun gjerman nga radhët e Socialdemokratëve, Michael Roth, ka thënë se Shtetet e Bashkuara të Amerikës dhe Bashkimi Evropian duhet të ndalojnë veprimet e presidentit të Serbisë, Aleksandër Vuçiq, i cili po minon parimet e BE-së.

Roth përmes një cicërime në llogarinë e tij në rrjetin social “Twitter”, ka thënë që “është koha që SHBA-të e BE-së të riformojnë strategjinë në lidhje me Serbinë në Ballkanin Perëndimor”.

“Presidenti Vuçiq minon parimet drejtuese të BE-së, ai inkurajojnë nacionalizmin dhe urrejtjen”, shkroi ai në “Twitter”.

Sipas tij, “ajo që na duhet vërtet është lidershipi i guximshëm për të nxitur pajtimin, sundimin e ligjit, demokracinë”.

Këtë reagim ai e bëri postimin në Twitter të gazetares austriake, Franciska Çinderla, në të cilën ajo përshkruante “pluralizmin mediatik” në Serbi dhe 16 kanale televizive që transmetonin njëkohësisht fjalimin e Aleksandër Vuçiqit.

It’s overdue for the EU + U.S. to reshape the strategy regarding Western Balkans+Serbia. President Vučić undermines the guiding principles of the EU, he heats up nationalism + hatred. What we really need is brave leadership to foster reconciliation, rule of law + democracy. https://t.co/AiUHMj06xd

— Michael Roth – official 🇪🇺🇺🇦 (@MiRo_SPD) July 7, 2023