Deputeti i Vetëvendosjes, Eman Rrahmani, ka votuar ndryshe partisë së tij në Kuvend.

Ai e ka votuar amendamentin e propozuar nga deputeti i PDK-së, Isak Shabani, për ndarjen e mjeteve buxhetore për ndërtimin e depos qendrore të barnave.

Pro këtij amendamenti kanë votuar deputetët e PDK-së e LDK-së, ndërsa kundër ishte partia në pushtet, LVV-ja.

Megjithatë, ky amendament i deputetit Shabani nuk ka kaluar.