Deputeti nga radhët e partisë në pushtet, Visar Korenica ka folur për pagat e ulëta në Kosovë dhe fenomenin e mërgimit të qytetarëve në mënyrë të vazhdueshme drejt Evropës.

Korenica ka thënë se po ta kishte pagën 500 euro, do të ikte edhe ai nga Kosova.

“Unë jam në pozicionin e deputetit, unë nuk kisha nejtë në Kosovë me 500 euro, kisha kërku me dalë jashtë”, ka thënë Korenica në Pressing.

Ai ka deklaruar se nuk e njeh dikënd që kërkon ta lëshojë Kosovën pa arsye të forta.

“Unë nuk e njoh dikënd që kërkon të ikë nga Kosova pa arsye”, ka thënë deputeti.