Deputeti i Partisë Demokratike të Kosovës, Bislim Zogaj, ka thënë se PDK-së i konvenon mbajtja e zgjedhjeve dhe se është momenti më i përshtatshëm për këtë parti për të hyrë në zgjedhje të parakohshme.

Ai në emisionin “Fakt Plus”, në Tribuna Channel, ka thënë se PDK do të del bindshëm fituese dhe se kryeministër do të del Kadri Veseli, për të cilin thotë se është person i guximshëm dhe lider me vizion.

“Zgjedhjet do ta ndihmonin Kosovën me ardhjen e Kadri Veselit si kryeministër i Kosovës”, ka thënë Zogaj./Tribuna