Deputeti i Kuvendit të Kosovës nga radhët e komunitetit egjiptian, Veton Berisha është shprehur kundër rritjes së pagës dhe mëditjeve për deputetët.

Berisha madje ka thënë se do të votoj kundër çfarëdo lloj iniciative rritje të pagave për deputetet, pasi që konsideron se deputetët paguhen mjaftueshëm, “madje edhe më shumë për punën që bëjnë”.

“Aq më tepër unë kam arsye shumë më të madhe për të votuar kundër nga se përfaqësoj një komunitet i cili gjendja e tij ekonomike nuk është për të u dëshiruar ku një pjesë e madhe e tyre ballafaqohet me mbijetesën dhe jeton nga asistenca sociale”.

“Mendoj dhe konsideroj se rritja ekonomike në Kosovë do të duhej të reflektoj në rritje të gjendjes ekonomike të qytetarëve të Kosovës dhe në asnjë mënyrë të deputetëve si përfaqësues të popullit”, ka shkruar ai në llogarinë e tij në Facebook. /Insajderi.com