Kapiteni i Francës, Kylian Mbappe, thotë se dhuna duhet të ndalet ndërsa protestat pushtuan vendin pas vdekjes së një adoleshenti të qëlluar nga policia.

Franca ka parë netë trazirash pasi një 17 vjeçar u vra teksa po largohej nga një ndalesë trafiku të martën.

“Dhuna nuk zgjidh asgjë, sidomos kur kthehet në mënyrë të pashmangshme kundër atyre që e shprehin atë”, ka shkruar Mbappe në storien e tij në Instagram.

Më shumë se 900 arrestime u bënë vetëm të enjten mbrëma, thanë zyrtarët, me dhunën që vazhdoi të premten. Qeveria njoftoi se do të angazhojë 45,000 policë në një përpjekje për të frenuar dhunën e mëtejshme.

Nga Lille dhe Roubaix në veri deri në Marsejë në jug, dyqanet janë plaçkitur dhe makinat janë djegur.

Deklarata e tij, me sa duket në emër të skuadrës së Francës, shtoi: “Ashtu si të gjithë francezët, ne ishim të tronditur nga vdekja e të riut Nahel”.

Mbappe tha se lojtarët e Francës, shumë prej të cilëve vijnë nga lagjet e klasës punëtore si Nahel, ndajnë “ndjenjat e trishtimit dhe dhimbjes”.

Ai tha se lojtarët “nuk mund të qëndronin të heshtur” pasi kërkuan që “koha e dhunës t’i lërë vendin asaj të zisë, dialogut dhe rindërtimit”.