Koalicioni qeverisës, PDK-LDK-minoritetet, në raste të caktuara po dështon t’i sigurojnë votat e nevojshme për të marrë vendime të rëndësishme, e në disa raste edhe po i mungon kuorumi për të mbajtur seanca apo mbledhje të komisioneve parlamentare.

Ndër dështimet për koalicionin që ka mbi 85 deputetë, është mosratifikimi i marrëveshjes në mes të Kosovës dhe Bankës Evropiane për Investime për rehabilitimin e linjës hekurudhore 10, në vlerë prej rreth 40 milionë euro.

Ky dështim ka ndodhur në seancën e së enjtes, në të cilën koalicioni nuk arriti as ta vazhdojë seancën për të shqyrtuar vazhdimin e mandatit të EULEX-it.

“Zëri” ka provuar të marrë qëndrimin e koalicionit qeverisës për këtë çështje, por kjo ka qenë e pamundur. Në anën tjetër subjektet opozitare thonë se zgjedhjet janë opsioni i vetëm për të tejkaluar këtë situatë.

Shefi i Grupit Parlamentar të Aleancës për Ardhmërinë e Kosovës, Pal Lekaj, ka thënë se udhëheqësit e institucioneve, vuajnë nga mungesa serioze e legjitimitetit dhe besueshmërisë. Madje Lekaj ka thënë se koalicioni PDK-LDK-“Srbska” është i papërgjegjshëm. Prandaj, sipas tij është e nevojshme që të mbahen zgjedhjet në mënyrë që të rilegjitimohet skena politike në vend.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur